Lent.az-ın məlumatına görə, S. Lavrov
jurnalistlərin "Bəşər Əsəd Rusiyada sığınacaq ala bilərmi?" sualına
sərt cavab verib.
O deyib ki, belə bir variant mümkün deyil: "Dünya ictimaiyyətinə
belə bir fikri yeritmək istəyənlər çox pis niyyətli çevrələrdir.
Rusiya nə Suriyadakı rejimin, nə də Bəşər Əsədin yaxın dostudu.
Onun ən yaxın dostları Avropadadı. Hansısa yolla Əsəd məsələsinin
çözmək istəyirlərsə, əllərindəki imkanları dəyərləndirsinlər".
Lavrov yaxın vaxtlarda Suriya müxalifəti ilə də görüşəcəklərini
deyib. "Suriya müxalifəti bizi bu ölkədə inqilab olduğuna
inandırmağa çalışır. Biz də cavabında bunu soruşuruq: "Əgər bu bir
inqilabdırsa, onda BMT Təhlükəsizlik Şurasından niyə yardım
istəyirsiniz? İnqilablar sadəcə xalq tərəfindən həyata
keçirilir".