Ronaldo 4-cü avropalı futbolçu oldu

13 Yanvar 2015 12:29 (UTC+04:00)
Yanvarın 12-də İsveçrənin Sürix şəhərində baş tutan mərasimdə 2014-cü ilin "Qızıl top" mükafatını Kriştianu Ronaldo qazandı. Portuqaliya milli komandası və "Real Madrid"in forvardı, bununla da, karyerasında 3-cü dəfə (2008, 2013, 2014) analoji uğura nail olub. Movqe.az Goal.az-a istinadən xəbər verir ki, Ronaldo mükafatı 3-cü dəfə qazanan 4-cü futbolçu kimi də tarixə keçib. Daha öncə Mişel Platini (1983,1984, 1985), Yohan Kruff (1971, 1973, 1974) və Marko van Basten (1988, 1989, 1992) mükafatı 3 dəfə qazana bilmişdi. Hal-hazırda mükafatın yeganə 4 qat sahibi Lionel Messidir. O, 2009, 2010, 2011 və 2012-ci illərdə "Qızık top"a sahib çıxıb.