İnkişaf edən texnologiya ilə birlikdə artıq bir çox insan kabelsiz kompüter avadanlığı istifadə etməyə başlayıb. Bunların başında isə kabelsiz klaviaturalar gəlir. Yaxşı bəs bu kabelsiz klaviaturalar nə qədər etibarlıdır?Düşündüyünüz qədər etibarlı deyil. Çünki hər hansı insan inkişaf etdirilən yeni adapter cihazı ilə klaviaturanızda yazdığınız hər bir hərfi qeyd altına ala bilər. "KeySweeper" adında virus yazan Samy Kamkar adlı hakker, ötən günlərdə kabelsiz klaviaturalar üçün cəsus cihazı təkmilləşdirib. Klassik enerji cihazından heç bir fərqi olmayan bu cihaz, mühitdəki kabelsiz klaviaturaların yazdığı hər şeyi qeydə alır və istəyə görə, ələ keçirilən məlumatları hakkerlərə SMS ilə bildirir.
Adapter telefondan çıxarıldığında isə dərhal batareya rejiminə keçir və vəzifəsini yerinə yetirməyə davam edir.
Digər tərəfdən bu cihaz təbii ki bütün simsiz klaviaturalara təsir edə bilmir.