Bələdiyyə binası və mədəniyyət evi anidən alışdı
24 Yanvar 2015 16:10 (UTC+04:00)
Zaqatala rayonunun Maqov kəndində yanğın hadisəsi baş verib.
Movqe.az Kanal S - istinadən (Region TV) xəbər verir ki, səhər
saatlarında kəndin bələdiyyə binası və mədəniyyət evi anidən
yanmağa başlayıb.
Hadisə yerinə dərhal Zaqatala DYMH-nin 3 yanğın söndürən maşını və
canlı qüvvəsi cəlb olunub. Yanğının qarşısı alınan zaman bir nəfər
yanğınsöndürən xəsarət alıb. Hazırda yanğın davam edir. Yanğının
baş vermə səbəbləri araşdırılır.