"Qarabağ"ın məşqçiləri Hollandiya qəzetlərində
26 Yanvar 2015 14:40 (UTC+04:00)
Bildiyiniz kimi, "Qarabağ"ın müxtəlif yaş qrupları üzrə
komandalarının məşqçiləri Hollandiyaya işgüzar səfərə yollanmışdı.
Goal.az klubun saytına istinadən xəbər verir ki, səfər zamanı
klubumuzun məşqçiləri idman direktoru Con van Loenin rəhbərliyi
altında onun vətənində Ayaks, PSV, Utrext kimi klubların futbol
akademiyalarında təlimlərdən keçib. Bu səfər Hollandiya mətbuatının
diqqətini cəlb edib və Akademiyamız haqqında bir sıra qəzetlərdə
xəbərlər dərc edilib.