“Rektorlar və baş həkimlər də öz gəlir və əmlakları barədə hesabat verməlidirlər”
12 Aprel 2012 11:44 (UTC+04:00)
Rusiyada dövlət şirkətlərinin rəhbərləri, ali məktəb rektorları və
iri tibb müəssisələrinin baş həkimlər məmurlarla birlikdə öz gəlir
və əmlakları barədə hesabat verməlidirlər.
"APA-ECONOMICS"in xəbərinə görə, bu barədə Rusiyanın Baş naziri
Vladimir Putin Dövlət Dumasında hökumətin fəaliyyətinə dair illik
hesabatla çıxış edərkən bildirib. Onun sözlərinə görə, Rusiyanın
başlıca problemi əhalinin çoxtəminatlı təbəqəsi ilə aztəminatlı
təbəqəsinin gəlirləri arasındakı böyük fərqdir: "Zəngin
vətəndaşların gəlirləri aztəminatlı vətəndaşların gəlirlərini 16
dəfə üstələyir və son illər bu göstərici heç dəyişmir. ABŞ-da bu
fərq 15 dəfədir". V.Putin qeyd edib ki, hazırda hökumətin başlıca
vəzifəsi minimum əməkhaqqının yaxın bir neçə ildə yaşayış minimumu
ilə bərabərləşdirilməsidir.