“Taksilər üçün xüsusi dayanacaqların tikintisi gələn il başa çatacaq”
7 Avqust 2012 13:42 (UTC+04:00)
Bu fikirləri APA-ya açıqlamasında Nəqliyyat
Nazirliyinin Katiblik rəisi Namiq Həsənov bildirib. Onun sözlərinə
görə, avtomobillər qaydalara uyğun park edilmədiyindən, tətbiq
olunan cərimələrin məbləği artırılıb: "Ümumiyyətlə taksilərin qayda
pozuntusuna qarşı yalnız Nəqliyyat Nazirliyi deyil, həmçinin DYP də
mübarizə aparır. Bizim müvafiq qurumlar avtobusların dayanacaqlarda
normal dayanması və tıxacın qarşısını almaq üçün mübarizə aparır.
Ona görə də hazırda əsas məqsədimiz avtobus dayanacaqlarında
taksilərin dayanmasına əngəl olmaqdır".
N. Həsənov qeyd edib ki, taksilər üçün xüsusi dayanacaqlar tikilir
və onların 60-dan çoxu artıq hazırdır: "Bu il ərzində taksilər üçün
yeni dayanacaqların tikintisi davam edəcək. 2013-cü ildə isə
dayanacaqların tikintisi tam başa çatacaq".