Olimpiya çempionu pul mükafatını zəlzələ qurbanlarına bağışladı
14 Avqust 2012 17:01 (UTC+04:00)
İranlı olimpiya çempionu qızıl medala görə pul mükafatını
zəlzələdən zərər çəkənlərə verib.
İranın yunan-roma güləşi üzrə 96 kiloqram çəkidə olimpiya çempionu
Qasem Rezai qızıl medala görə pul mükafatını Şərqi Azərbaycanda
zəlzələdə zərər çəkənlərə yardım fonduna bağışlayıb.
O bildirib ki, onun qələbəsi üçün milyonlarla həmvətənlisi dua
edib: "Qızıl medal mənim 15 il ərzindəki hər gün çəkdiyim əziyyətin
bəhrəsidir. Əgər mənim bu kiçik yardımım zərərçəkənlərin əzablarını
cüzi də olsa azaldarsa, xoşbəxt olaram".