Enerjidən asılı olmayan ilk insan skeleti hazırlanıb

6 Aprel 2015 20:40 (UTC+04:00)

Karnegi institutunun aparıcı mütəxəssisləri insan üçün enerjidən asılı olmayan xarici skeletin hazırlandığı barədə məlumat veriblər. Unikal ekzoskelet hərəkətlə problemləri olan insanlar qrupu üçün hazırlanıb. Məsələn, bu texnologiya adi yerişdə çətinlik çəkən adamalara kömək etməlidir. Tədqiqatın nəticələri Nature elm jurnalında dərc edilib. Rəsmi xarakterli ilkin məlumata görə, alimlərin hazırladığı ekzoskelet yeddi faizə qədər enerjiyə qənat edəcək. Ekzoskelet cari modifikasiyada kifayət qədər böyükdür, amma alimlər bildirirlər ki, artıq bir neçə aydan sonra onun strukturunu daha da təkmilləşdirə biləcəklər. Hələlik ölçüsünün böyük olması səbəbindən onu üst geyiminin altında gəzdirmək mümkün deyildir, lakin alimlər ekzoskeletin bu və y digər xüsusiyyətləri üzərində işlərini davam etdirirlər.