Gürcüstanda birinci sinif şagirdləri noutbukla təmin olunacaqlar
23 Avqust 2012 18:05 (UTC+04:00)
Gürcüstanda 2012-2013-cü dərs ili
sentyabrın 17-də başlayacaq. APA-nın Gürcüstan bürosunun məlumatına
görə, bu barədə məlumatı Gürcüstanın maarif və elm naziri Xatiya
Dekanoidze nazirlikdə keçirdiyi brifinqdə bildirib. Onun sözlərinə
görə, nazirlik yeni dərs ilinə tam hazırdır: "Yüzlərlə məktəbdə
sentyabrın 17-dək başa çatacaq təmir işləri gedir".
Nazirin sözlərinə görə, şagirdlərin üç kateqoriyası – imkansız
ailələrin uşaqları, bir ailədə üç və daha çox şagirdlər olarsa və
2008-ci ilin avqust ayında Rusiya-Gürcüstan müharibəsində həlak
olanların uşaqları pulsuz dərsliklərlə təmin olunacaq: "Təqribən
800 min şagirdə nazirlik tərəfindən pulsuz dərslik veriləcək.
Dərsliklərimiz hazırdır, məktəbə qədəm qoyan birincilər yeni
noutbukla da təmin olunacaqlar".