Xəzər dənizinin dibinin bölünməsi üzrə ekspertlər qrupunun iclası keçirilib
12 Aprel 2012 16:51 (UTC+04:00)
Mövqe.az xəbər veriri ki, ötən gün Azərbaycan Xarici İşlər
Nazirliyində (XİN) Azərbaycan və Türkmənistan arasında Xəzər
dənizinin dibinin bölünməsi üzrə ekspertlər qrupunun iclası
keçirilib.
İclasda Azərbaycan xarici işlər nazirinin müavini Xələf Xələfovun
və Türkmənistan Prezidenti yanında Xəzər dənizi məsələləri üzrə
Dövlət müəssisəsinin Sədri M. Atacanovun rəhbərlik etdiyi nümayəndə
heyətləri iştirak edib.
Görüş zamanı Azərbaycan və Türkmənistan arasında Xəzər dənizinin
dibinin bölünməsi ilə bağlı bir sıra məsələlər müzakirə edilib.
Həmçinin Xəzər dənizinin hüquqi statusu haqqında Konvensiya
layihəsi üzrə geniş fikir mübadiləsi aparılıb.
Sonda Xəzər məsələləri üzrə ikitərəfli və çoxtərəfli formatda
keçirilən məsləhətləşmələrin əhəmiyyətindən danışılmış və belə
danışıqların davam etdirilməsinin zəruri olduğu bildirilib.
Nuranə Novruzova