Maştağanın sabiq icra nümayəndəsi 5 il müddətinə azadlıqdan məhrum edilib
30 Avqust 2012 16:09 (UTC+04:00)
Bakı Ağır Cinayətlər Məhkəməsində Maştağa
qəsəbəsinin sabiq icra nümayəndəsi Arzu Hadıyevin cinayət işi üzrə
məhkəmə prosesi başa çatıb. APA-nın məlumatına görə, prosesdə hökm
oxunub. Hökmə əsasən, A. Hadıyev 5 il müddətinə azadlıqdan məhrum
edilib.
Qeyd edək ki, Baş prokuror yanında Korrupsiyaya Qarşı Mübarizə
İdarəsinin əməkdaşları Bakının Sabunçu rayon İcra Hakimiyyəti
başçısının Maştağa qəsəbəsi üzrə icra nümayəndəliyində əməliyyat
keçirib. Əməliyyat nəticəsində Maştağa qəsəbəsi üzrə icra
nümayəndəsi Arzu Hadıyev Baş prokuror yanında Korrupsiyaya Qarşı
Mübarizə İdarəsinin əməkdaşları tərəfindən rüşvət faktı ilə
əlaqədar saxlanılıb. A. Hadıyev Cinayət Məcəlləsinin 311.1-ci
(rüşvət alma) maddəsi ilə təqsirləndirilir.