Meksika Konqresinin andiçməsində gərginlik yaşandı
2 Sentyabr 2012 20:24 (UTC+04:00)
Meksikada yeni seçilmiş Konqresin andiçmə
mərasimi gərginliklə yadda qalıb. Paytaxt Mexikoda solçu deputatlar
Konqresə etiraz edərək, yeni seçilmiş Pena Nyeto hökumətini
seçkilərdə saxtakarlığa yol verməkdə və korrupsiyada ittiham
ediblər. Buna cavab olaraq yeni seçilmiş "İnstitut İnqilab
Partiyası"nın deputatları Konqresin aşağı palatasında Pena Nyeto
hökuməti altında idarəçiliklərinin şəffaf və açıq olacağına vəd
veriblər.
Solçu Lopes Obradorun tərəfdarlarının etiraz aksiyasına
baxmayaraq, Meksika Konqresinin aşağı palatasının andiçmə mərasimi
baş tutub. Meksika prezidenti Felipe Kalderonun baş nazir təyin
etdiyi Pena Nyeto isə dekabrın 1-də and içəcək.