Azərbaycan təhsilində mühüm yenilik

13 Aprel 2012 20:22 (UTC+04:00)

Nazirlikdən deyilib ki, tələbə yalnız təhsil aldığı ixtisasa yaxın ixtisas üzrə əlavə təhsil ala bilər. Bunun üçün tələbəyə yandan fənn götürməyə icazə veriləcək. Bu imkandan yalnız akademik borcu olmayan tələbələr istifadə edə biləcəklər. Tələbələr üçün yandan fənn götürmək ödənişli əsaslarla olacaq. Bu yenilik tələbəyə gələcəkdə əlavə ixtisas kimi yiyələndiyi sahə üzrə peşə fəaliyyəti ilə məşğul olmaq hüququ verəcək.

"Məsələn, əgər tələbə vergi siyasəti ixtisası üzrə təhsil alırsa, sığorta işindən fənlər götürüb onu öyrənə bilər. Onda o, gələcəkdə həm vergi siyasəti, həm sığorta işi üzrə işləyə bilər", - nazirlikdən bildirilib.

Qeyd edilib ki, əlavə ixtisas alan tələbəyə diplomdan əlavə xüsusi sertifikat ya əlavə ixtisas almasını təsdiq edən sənəd veriləcək. Hazırda layihə formasında olan bu yeniliyin gələn tədris ilindən tətbiq ediləcəyi gözlənilir.