Azərbaycan prezidenti DİN və GİN-in Əsasnaməsinə dəyişikliklər edib
5 Sentyabr 2012 17:43 (UTC+04:00)
Azərbaycan prezidenti İlham Əliyev
"Azərbaycan Respublikasının Daxili İşlər Nazirliyi haqqında
Əsasnamə" və "Azərbaycan Respublikasının Gənclər və İdman Nazirliyi
haqqında Əsasnamə"də dəyişikliklər edilməsi barədə fərmanlar
imzalayıb.
APA-nın məlumatına görə,
fərmanlara əsasən, hər iki nazirliyin Əsasnaməsi "Uşaq hüquqlarının
həyata keçirilməsinə dövlət nəzarəti qaydası"na
uyğunlaşdırılıb.
Hər iki nazirliyin Əsasnaməsinə "uşaq hüquqlarının təmin edilməsi
vəziyyətinə dair monitorinqlər aparılmasında iştirak edir" və
"Nazirliyin qanun əsasında müəyyən edilmiş fəaliyyət
istiqamətlərinə uyğun olaraq, uşaq hüquqlarının təmin edilməsi
vəziyyətinə dair illik hesabat hazırlayır" bəndləri əlavə
edilib.