"Ermənistanın hazırda içi yanır
və nə etdiyini bilmir. Buna görə də
Macarıstanla əlaqələrin pozulmasına dair
qərar qəbul edir. Sözsüz ki, bu,
vəziyyətin onlar üçün çıxılmaz olmasından
xəbər verir". Bunu jurnalistlərə
Azərbaycanın mədəniyyət və turizm naziri Əbülfəs Qarayev bildirib. Nazir
qeyd edib ki, Azərbaycanın
hər bir vətəndaşı, əsgəri hər yerdə öz
düşməni ilə savaş aparmalıdır.
Qarayev qeyd edib ki, Azərbaycanın hər bir vətəndaşı, əsgəri hər yerdə öz düşməni ilə savaş aparmalıdır. "Biz Azərbaycan Prezidenti İlham Əliyevin Ramil Səfərovu əfv etməsi qərarını təqdir edirik. Bu, qətiyyətli və bizim hamımızın ürəyincə olan qərardır", - nazir deyib.
Əbülfəs Qarayev bildirib ki, bu ilin birinci yarısında keçən il ilə müqayisədə turist sayında 7% artım müşahidə olunub. O qeyd edib ki, Azərbaycanda keçirilən konfranslar, beynəlxalq səviyyəli tədbirlər turistlərin sayının artmasına imkan yaradır. Nazir, həmçinin bəzi problemlərə baxmayaraq xidmət səviyyəsinin də yüksəldiyini qeyd edib.