Azərbaycanlı müğənnilər “Lenin” və “İvan Qroznı” ilə görüşüb – FOTOSESSİYA - VİDEO
13 Aprel 2012 13:19 (UTC+04:00)
Müğənni Roza Zərgərli və "Xalq ulduzu 5" müsabiqəsinin iştirakçısı
Xəlil Qaraçöp "Zəhmətkeş ulduzlar" verilişinin iştirakçısı
olublar. Movqe.Az xəbər portalının məlumatına görə, bu veriliş
Azərbaycanda yox, Moskvanın Tver əyalətində lentə alınıb. Bu barədə
Movqe.Az-a müğənni R.Zərgərlinin mətbuat katibi Yeganə Rzaxanova
məlumat verib. Y.Rzaxanova, cütlüyün başlarına gələn
sərgüzəştlərindən danışıb: "Veriliş ərzində onlar fermer və aşpaz
rolunda öz məharətlərini göstəriblər. Yerli əhali ilə çox sıx
əlaqədə olan müğənnilər, onlarla məşhur rus rəqsi olan "Yabloçko"nu
da oynayıblar.Hətta, cütlük Moskvada "Lenin" və "İvan Qroznı" ilə
şəkil çəkdirdiriblər. Amma sən demə bizim bu "Lenin" gürcü
azərbaycanlısı imiş", - Y.Rzaxanova dedi.
Qeyd edək ki, veriliş 15 aprel tarixində "Space" telekanalında
yayımlanacaq. Verilişin aparıcısı səhnəmizin "Keyxanımı", aktrisa
Ülviyyə Əliyevadır. Baş rejissor Xamis Xanlaroğlu, quruluşçu
rejissor isə Siyavuş Hüseynli və prodüser Nurlan
Əliyevdir.