Azərbaycanda keçirdiyim görüşlərdə İran məsələsi həmişə müzakirə olunub”
10 Sentyabr 2012 19:01 (UTC+04:00)
"İran - Azərbaycanın təhlükəsizlik
sahəsində əsas problemlərindən biridir". APA-nın məlumatına görə, ABŞ səfiri Riçard
Morninqstar jurnalistlərə verdiyi açıqlamada Azərbaycan prezidenti
ilə görüşlərində İran məsələsinin müzakirə olunub-olunmadığına dair
sualı belə cavablandırıb.
Riçard Morninqstar bəyan edib ki, Azərbaycanda keçirdiyi görüşlərdə
İran məsələsi həmişə müzakirə olunub və olunacaq: "Biz bu məsələdə
sıx əmıkdaşlığı davam etdirmək niyyətindəyik".
Səfir amerikalı konqresmen D. Rorabaxerin "ABŞ İranda
azərbaycanlıların milli azadlıq mücadiləsinə dəstək verməlidir"
bəyanatını da şərh edib: "ABŞ İranın mövcud sərhədləri çərçivəsində
ərazi bütpvlüyünə hörmətlə yanaşır. Konqresmen Rorabaxer mütəmadi
olaraq müxtəlif ideyalarla çıxış edir, lakin bu fikirlər ABŞ-ın
rəsmi mövqeyi deyildir".
Qeyd edək ki, konqresmen D. Rorabaxer Şimali və Cənubi Azərbaycanın
birləşməsinin zəruriliyini dilə gətirib və ötən ay bununla əlaqədar
dövlət katibi Hillari Klintona rəsmi məktub göndərib.