Bakı metrosunun “Gənclik” stansiyası ətrafındakı “gecəqondular”ın köçürülməsi 10 mln. manata başa gəlib
11 Sentyabr 2012 20:25 (UTC+04:00)
Bakının "Gənclik" metro stansiyası
yaxınlığında keçmiş uşaq dəmiryolu ətrafında tikilmiş
"gecəqondular"ın köçürülməsi 10 mln. manata başa gəlib.
Bu barədə "APA-ECONOMICS"ə
ərazidə iri yol-körpü-tunel layihəsi həyata keçirən "Akkord"
şirkətinin korpü-tunel tikinti departamentinin direktoru Aslan
İsmayılov bildirib.
Onun sözlərinə görə, layihə ərazisinə düşən park abadlaşdırılaraq
yenidən qurulub və bu zaman parkdakı "gecəqondu" evlərin hamısı
sökülüb, onların sahiblərinə kompensasiya ödənilib. Belə evlərin
sahibləri ümumilikdə 10 mln. manatdan artıq kompensasiya alıblar.
Onlara kompensasiyalar evin hər kvadratmetrinə görə 1500 manatdan
ödənilib.