Azərbaycanda deputatlığa keçmiş namizəd tutulub
13 Sentyabr 2012 13:00 (UTC+04:00)
Tiflis şəhəri meriyasının Azərbaycanda daimi
nümayəndəliyində "İberiya-press" agentliyinin icraçı direktoru həbs
edilib.
Bakı şəhər Baş Polis İdarəsindənAPA-ya verilən məlumata görə, Yasamal
Rayon Polis İdarəsinin 28-ci Polis Bölməsi əməkdaşlarının
keçirdikləri əməliyyat tədbirləri nəticəsində Cinayət Məcəlləsinin
178-ci (dələduzluq) maddəsi ilə axtarışda olan Rəşad Fazil oğlu
Muradəliyev sentyabrın 12-də yaxalanıb.
APA-nın əldə etdiyi məlumata görə,
R. Muradəliyev Tiflis şəhəri meriyasının Azərbaycanda daimi
nümayəndəliyində fəaliyyət göstərən "İberiya-press" agentliyinin
icraçı direktorudur. O, ikinci dəfədir ki, dələduzluq faktı görə
həbs edilir. Bundan əvvəl R. Muradəliyev 2010-cu ildə həbs
edilib.
R. Muradəliyev həmçinin 2005-ci ildə deputatlığa namizəd
olub.