"Hazırda alimlərin vergi və rüsumlardan azad olunması məsələsi
üzərində müvafiq iş gedir". Bunu jurnalistlərə açıqlamasında
Prezident yanında Elmin İnkişafı Fondunun icraçı direktoru Elçin
Babayev bildirib. İcraçı direktorun sözlərinə görə, vergi və
rüsumlardan azad olunma alimlərin qrant layihələri işinə kömək
edəcək, onların elmə daha çox diqqət ayırmasına gətirib çıxaracaq
və müəyyən mənada bürokratik maneələri aradan qaldıracaq. "Bu, çox
ciddi məsələdir və hazırda bununla bağlı iş gedir. Hesab edirik ki,
müsbət irəliləyiş əldə olunacaq. İndi xarici ölkələrin təcrübəsi
öyrənilir"-deyə, E. Babayev vurğulayıb.