Dünyanın 20 ölkəsində Fransanın diplomatik nümayəndəlikləri bağlanacaq
19 Sentyabr 2012 18:35 (UTC+04:00)
Sentyabrın 21-də - cümə günü dünyanın 20
ölkəsində Fransanın diplomatik nümayəndəlikləri bağlı olacaq.
APA-nın "France Presse"
agentliyinə istinadən verdiyi məlumata görə, səbəb Fransada nəşr
olunan "Charlie Hebdo" satirik jurnalında Məhəmməd peyğəmbərin
karikaturalarının dərc edilməsidir. Faransa XİN təhlükəsizlik
məqsədilə 20 ölkədə Fransa səfirliyi, konsulluğu, mədəni mərkəzləri
və məktəblərinin bağlanacağını açıqlayıb. XİN bir sıra ölkələrdən
Fransa səfirliklərinin mühafizəsinin gücləndirilməsini tələb
edib.