Dərs planlarını sataraq milyonçu oldu
2 Oktyabr 2012 12:32 (UTC+04:00)
Movqe.Az xəbər verir ki, ABŞ-da yaşayan
orta məktəb müəllimi Deanna Jump fakturalarını çətin ödədiyi bir
dövrdə həyatını dəyişdirəcək bir addım atıb. Dərs planlarını
internet vasitəsi ilə satışa çıxaran müəllim bu günə qədər 1 milyon
dollar pul qazanıb.
ABŞ-ın Corciya əyalətində yaşayan Deanna Jump təcrübəli bir orta
məktəb müəllimidir. Jumpun maddi çətinlik çəkdiyi bir dövrdə atdığı
addım həyatı dəyişdirib.
43 yaşlı müəllim dərs qeydlərini və böyük çətinliklə hazırladığı
dərs planlarını bir internet saytı vasitəsi ilə satmağa
başlayıb.
Özü kimi müəllim olan həyat yoldaşının da dəstəyiylə 17 illik
məlumat təcrübəsini internetdə paylaşan Jump satışların artmasıyla
qısa müddətdə maddi vəziyyətini düzəldib.
3 uşaq sahibi olan müəllim "Businessweek" jurnalına verdiyi
açıqlamasında bu qədər pul qazana biləcəyinin ağılının ucundan belə
keçmədiyini söyləyib.
Jump belə deyib: "Şagirdlərinizə dinozavrlarla əlaqədar bir dərs
vermək istəyirsinizsə, mənim hazırladığım paketi satın aldığınızda
dinozavrlarla əlaqədar edə biləcəyiniz hər cür məlumtlara əliniz
çatır. Ayrıca o dərs üçün istifadə edə biləcəyiniz qaynaq
kitabların siyahısı da satın aldığınız paket içində mövcuddur."
Jumpun üzv olduğu sayt "Paul Edelman" adında Nyu Yorklu başqa bir
müəllim tərəfindən 2006-cı ildə qurulub.
Saytda qeydiyyatda olan 15 min müəllim və hamısı buradan satışa
çıxardıqları qeydlərlə ailə büdcələrinə müəyyən pul əlavə edirlər.