"Mövqe.az" xəbər verir ki, İsraildə məcburi əsgərlik
vəzifəsindən dini səbəblərlə qaçan qadınların və dindar gənclərin
vəziyyəti gündəmdədir. Baş qərargah tərəfindən qadınların və dindar
gənclərin ordudakı vəziyyətini araşdırmaqla vəzifələndirilən
General Ornan Barbivai, əsgərlik vəzifəsini yerinə yetirən
qadınların sayındakı azalmadan narahatçılığını açıqlayıb.
"Haaretz" qəzetinin xəbərinə görə, Barbivai hərbi xidmətə gəlməsi
lazım olan qadınların 40,6 faizinin bu vəzifədən qaçdığını və
bunların 35 faizinin dini səbəblər göstərdiyini açıqlayıb. Barbivai
dini səbəblərlə əsgərlikdən yayınan qadınların dörddə birinin
əslində dindar olmadığının təxmin edildiyini söyləyib.
Qeyd edək ki, İsrail həm kişilərin, həm də qadınların məcburi
əsgərlik etdikləri yeganə ölkədir. Bu ölkədə kişilər 3 il, qadınlar
isə 21 ay əsgərlik edir.