İran Rusiyanın Suriyada terror qruplaşmalarına qarşı hərbi əməliyyatlarını dəstəkləyir. "Fars" agentliyinin verdiyi məlumata görə, bunu İran Xarici İşlər Nazirliyinin (XİN) nümayəndəsi Mərziyyə Əfxəm deyib.
O bildirib: "İran bu əməliyyatı terrorçuluqla mübarizədə addım və regionda mövcud böhranın nizamlanmasına kömək hesab edir".
Xanım M.Əfxəm qeyd edib ki, qlobal və regional sülhə təhdid olan terrorçuluqla real mübarizə zərurətdir: "Bu məqsədlərin reallaşdırılması İraq və Suriya hökumətləri ilə əməkdaşlıq çərçivəsində birgə fəaliyyətləri tələb edir".