İrana qarşı təzyiqlərə baxmayaraq, xalqımız öz hüquqlarından bir addım belə geri çəkilməyəcək. Belə bir bəyanatla "altılıq"la nüvə proqramı üzrə danışıqlar öncəsi İran Prezidenti Mahmud Əhmədinejad çıxış edib. O bildirib ki, sözdə "ədalət carçısı" olan Qərbin "demokratiya tərəfdarları" əslində insan hüquqlarını pozmaqla məşğuldurlar. "Ədalət, inkişaf və insan ləyaqəti prinsiplərini əsas götürən İran, qərb qüvvələri tərəfindən sıxışdırılan xalqların və islam dininin müdafiəsində dayanır. Mövqeyinizi dəyişməsəniz, bilin ki, biz də öz hüquqlarımızdan geri addım atmayacağıq. Siz dinə əsaslanan mənəvi prinsiplərə qayıtmalısınız. Bu həm sizə, həm də sizin gələcək nəsillərinizə böyük xeyir gətirəcək. Yalnız ilahi ehkamlara sadiq qalmaqla xoşbəxtlik, sakitçilik, təhlükəsizlik və əmin-amanlığa nail olmaq olar", - Mahmud Əhmədinejad deyib.