“Sərhədsiz Reportyorlar”ın baş katibi: “Fransada mətbuat azadlığı olsa da, məlumat azadlığı məsələsində problemlər var”

13 Oktyabr 2015 17:49 (UTC+04:00)

"Fransada mətbuat azadlığı olsa da, məlumat azadlığı məsələsində problemlər var".

Movqe.az-ın APA-ya istinadən məlumatına görə, bu sözləri Avropa Şurasının binasında keçirilən və ifadə azadlığına həsr edilmiş konfransda çıxış edən "Sərhədsiz Reportyorlar" təşkilatının baş katibi Kristof Deluar deyib. O bildirib ki, Fransada media əsasən dörd qrup tərəfindən idarə edilir, bunların da başında dörd milyarder dayanıb: "Ümumilikdə isə onu deyim ki, bu gün Fransada oxuduğunuz, eşitdiyiniz, izlədiyiniz məlumatların 80 faizinə ölkənin 8 milyarderi nəzarət edir. Bu isə o deməkdir ki, söhbət yalnız mətbuat azadlığında deyil, məlumat azadlığı da çox əhəmiyyətlidir. Fransada bu gün mətbuat azadlığı olsa da, məlumat azadlığı məsələlərində problemlər var".