Oktyabrın 20-də Azərbaycan Milli Kulinariya Mərkəzi və Azərbaycan Milli Kulinariya Assosiasiyasının (AMKA) təşkilatçılığı ilə Beynəlxalq Kulinariya Günü ilə əlaqədar tədbir keçiriləcək.
Movqe.az-ın məlumatına görə, bu gün dünyada 12-ci, Azərbaycanda isə 9-cu dəfədir ki, qeyd edilir.
Assosiasiyadan bildirilib ki, tədbir çərçivəsində ilk dəfə Beynəlxalq Çay Festivalı da keçiriləcək.
Festivalda Yaponiya, Koreya Respublikası, Çin, İran, Hindistan, Türkiyə və digər ölkələrin çay süfrələri nümayiş olunacaq. Çay süfrələri hər ölkənin ənənələrinə uyğun şəkildə Azərbaycanda fəaliyyət göstərən diplomatik nümayəndəliklər tərəfindən təşkil ediləcək.