Müğənni Zamiq Hüseynov həmkarı Kərim Abbasovun "Kişi ifaçılar arasında rəqibim yoxdur" sözlərinə münasibət bildirib.
Movqe.az-ın məlumatına görə, sənətçi "Onlar"a açıqlamasında qarşı tərəfi qınayıb:
"Çıxıb deyə bilər ki, "Mən bir nömrəli ifaçıyam. Məndən o tərəfə adam yoxdur". Heç vaxt demirəm ki, "Onu-bunu özümə rəqib bilmirəm". Kiminsə mənim, mənim də başqası haqqında danışmağa haqqım yoxdur. O, desə ki, "Dünyada bir nömrəli ifaçıyam", yenə də məni narahat etmir. Mən də, tamaşaçı da ifaçını tanıyır, sevir, qəlbində yerləşdirir. Hamı çıxıb özünü tərifləyə bilər. Xalq tərəziyə qoyur, kimin düz, kimin yalan dediyini bilir".