Rabitə və Yüksək Texnologiyalar Nazirliyi qarşıdan gələn parlament seçkilərində seçki dairələri və məntəqələrini keyfiyyətli rabitə ilə təmin edəcək.
Bu barədə Rabitə və Yüksək Texnologiyalar Nazirliyinin aparat rəhbəri Vidadi Zeynalovun "Xalq" qəzetində dərc olunan məqaləsində deyilir.
"Qarşıdan Milli Məclisə seçkilər gəlir. Başlıca vəzifələrdən biri də seçki dairələri və məntəqələrin keyfiyyətli rabitə ilə təmin edilməsi, müşahidə kameralarının quraşdırılması işinin təmin edilməsidir. Bu istiqamətdə məqsədyönlü tədbirlər görülür", - deyə məqalədə bildirilir.