Oktyabrın 29-dan 30-na keçən gecə İndoneziyanın Yava adasının cənub sahillərində 5,2 bal gücündə zəlzələ baş verib.
Milli Meteorologiya, Klimatologiya və Geofizika İdarəsinin məlumatına görə, sunami təhlükəsi elan olunmayıb.
Yeraltı təkanların episentri Bantul şəhərindən 112 kilometr cənub-qərbdə, ocağı isə Hind okeanının 11 kilometr dərinliyində yerləşib.
Dağıntılar və zərərçəkənlər barədə məlumat verilmir.