Ölkə Prezidenti cənab İlham Əliyevin göstərişlərinə uyğun olaraq Gəncə şəhər İcra Hakimiyyətinin başçısı Elmar Vəliyev ənənəvi şəkildə vətəndaşları qəbul edir, səmimi söhbətlər aparır, onların problemlərini öyrənir və qısa müddətdə bu problemləri aradan qaldırır.
Şəhərimizdə həyata keçirilən və nəzərdə tutulan bütün
infrastuktur layihələr ictimaiyyət nümayəndələri ilə müzakirə
olunur, onların təklifləri dinlənildikdən sonra reallaşır.
Gəncəlilərlə sıx əlaqə, birgə fəaliyyət, səmimiyyət və doğmalıq
qazanılan uğurları şərtləndirir, şəhərimizin yeni inkişaf
perspektivlərini müəyyənləşdirir. Göstərilən diqqət və qayğı
insanları sevindirir, ruhlandırır, vahid məqsəd uğrunda mübarizəyə
səfərbər edir.İcra Başçısının növbəti qəbulu da yüksək və nikbin
əhval-ruhiyyədə keçib. Öncə yenə də şəhid ailələri və imtiyazlı
ailələrin nümayəndələri öz sözlərini deyiblər. Allahverdi Nağıyev,
Saləddin Qasımov, Füzuli Hüseynov və başqaları onları narahat edən
məsələlər barədə fikirlərini bildiriblər. Raya Mahmudova, Rahilə
Ələsgərova, Cəmşid Namazov, Nigar Qazıyeva, Zemfra Quliyeva,
Sədaqət Xəlilova problemlərinin yerindəcə həll olunduğu üçün
razılıqlarını ifadə ediblər.Vətəndaşların qəbulunda şəhərimizdə
gedən abadlıq, quruculuq, insanların güzəranının yaxşılaşdırılması
istiqamətində həyata keçirilən tədbirlərə görə minnətdarlıqlar
ifadə olunub. Sahibkarlıq, mənzil, torpaqla təminat, məşğulluq,
kommunal məsələlərlə bağlı fikirlər səslənib. İcra Başçısı Elmar
Vəliyev qaldırılan problemlərin qısa vaxt ərzində həll olunması
üçün müvafiq təşkilatlara tapşırıqlar verib.