Bu gün Milli Məclisə V çağırış seçkilər keçirilir. Movqe.az-ın əməkdaşı 10 saylı Binəqədi üçüncü Seçki Dairəsisinin bir neçə məntəqəsində olaraq seçki prosesinin gedişini izləyib. Öncə yolumuzu bu dairənin tərkibindəki 35 seçki məntəqəsindən birindən, elə 1 saylı seçki məntəqəsindən salırıq.
Məntəqə
sədri Qoşqar Hümbətov deyir ki, saat 8:40-a olan məlumata görə,
artıq 55
seçici səsvermə prosesində iştirak edib. Q. Hümbətovun sözlərinə
görə, məntəqədə 1442 seçici qeydiyyatdadır. Q. Hümbətov məntəqədə
səsvermə prosesində heç bir qanun pozuntusunun olmadığını söyləyib:
"Seçki prosesi öz qaydasında davam edir. Yüksək fəallıq müşahidə
olunur. Heç bir qanun pozuntusuna rast gəlinməyib".
Q. Hümbətov bildirdi ki, məntəqədə seçki prosesini 11 müşahidəçinin izlədiyir: "Seçiçilərimiz saat 8:00 radələrindən etibarən səsverməyə başlayıblar. Seçki prosesini 11 yerli müşahidəçi izləyir. İki beynəlxalq müşahidəçi də səsvermə prosesini izləməyə gəlmişdi. Nə yerli, nə də ki, beynəlxalq müşahidəçilərindən səsvermə prosesi ilə bağlı bu saatadək irad bildirən olmayıb".
Müşahidəçilər də səsvermə prosesində indiyədək heç bir qanun pozuntusuna rast gəlinmədiyini qeyd ediblər.
Bütöv Azərbaycan Xalq Cəbhəsi
Partiyasının (BAXCP) təmsilçisi olan müşahidəçi Hicran Davudova
saat 07:30 radələrindən məntəqənin ərazisində olduğunu, 8:00
radələrindən seçki prosesini izlədiyini deyib: "Səsvermə
başlayandan buradayam. Hələki heç bir qanun pozuntusuna rast
gəlməmişəm. Hər şey öz qaydasındadır. Nə seçicilərə hansısa
namizədə səs verməyə təhrik etmə, nə də ki, başqa qanun pozuntusu
ilə rastlaşmışam".
Yeni Azərbaycan Partiyasının (YAP) nümayəndəsi olan müşahidəçi İradə Ziyadova da səsvermə prosesinin yüksək səviyyədə davam etdiyini, səsvermə zamanı qanun pozuntusu ilə rastlaşmadığını söyləyib: "Səsvermə yüksək səviyyədə davam edir. Tezdən buradayam. Heç bir qanun pozuntusuna rast gəlməmişəm".
Müsavat Partiyasının 1 saylı seçki
məntəqəsi təmsilçisi olan müşahidəçi Əhməov Arif də səsvermə
prosesində heç bir qanun pozuntusuna rast gəlmədiyini bildirib:
"Səsvermə başlayandan buradayam. Hələki səsvermə prosesində
qanunsuzluğa rast gəlməmişəm. Bizim fəaliyyətimizə də heç bir əngəl
yaratmırlar. Baxırıq, nəzarət edirik, müşahidələrimizi sərbəst
aparırırıq. Protokolum hazırdı, amma heç bir qeyd
aparmamışam,çünki, bu məntəqədə qanun pozuntusu hələki olmayıb".
