Saat 11:00-a olan məlumata görə, Ədliyyə Nazirliyi Penitensiar xidmətinin 15 saylı cəzaçəkmə müəssisəsində səsvermə hüququna malik məhbus seçicilərin 39 faizi səsvermədə iştirak edib.
Movqe.az-ın məlumatına görə, bunu hazırda 15 saylı cəzaçəkmə müəssisəsində olan Trend-in əməkdaşına həmin müəssisədə fəaliyyət göstərən Məntəqə Seçki Komissiyasının sədri Məzahir Əhmədov deyib.
M.Əhmədov qeyd edib ki, ümumilikdə məntəqədə səsvermədə iştirak edəcəyi gözlənilən 791 seçicidən artıq 315-i seçkilərə qatılıb.
Məntəqə Seçki Komissiyasının sədri bildirib ki, yaxın saatlarda beynəlxalq müşahidəçilərin 15 saylı cəzaçəkmə müəssisəsinə gələrək, seçkiləri müşahidə edəcəyi gözlənilir.