Bütün ermənilərin katolikosu digər millətlərin nümayəndələri, xüsusilə də farsların iştirakı ilə nikahların xaç suyuna çəkilməsi və xeyir-dua verilməsindən çəkinməyə dair daxili əmr verib.
Bu barədə qarışıq nikahlar mövzusunda
mətbuat konfransında erməni keşişi Ter Babken bildirib.
Farslarla bağlı məsələdə bu İranın Ermənistandakı səfirliyinin
razılığı ilə edilir, deyə keşiş qeyd edib.
Onun sözlərinə görə, bir çox farslar Ermənistanda xaç suyuna
çəkilsə də, sonradan bundan ən müxtəlif məqsədlərdə, insan
hüquqlarının müdafiəsi və başqa məqsədlər üçün istifadə edirlər,
lakin əslində müsəlman olaraq qalırlar.
Beləliklə, keşiş vurğulayıb, daxili təhlükəsizlik məsələsə
Ermənistanın ali ruhani hakimiyyətinin diqqət mərkəzindədir.
Qeyd edək ki, adı çəkilən mətbuat konfransında psixoloq Karine
Nalçacyan bildirib ki, erməni qızlar arasında xaricilərə, xüsusilə
də farslara ərə getmək tendensiyası geniş yayılıb.