Yaşayış minimumu və ehtiyac meyarı açıqlanıb
8 Noyabr 2012 11:31 (UTC+04:00)
Azərbaycanda 2013-cü il üçün müəyyənləşdirilən yaşayış minimumu
məlum olub.
APA-nın xəbərinə görə, "Azərbaycan Respublikasında 2013-cü il üçün
yaşayış minimumu haqqında" qanun layihəsində bu məbləğ 116 manat
göstərilib. "Azərbaycan Respublikasında 2013-cü il üçün ehtiyac
meyarının həddi haqqında" qanun layihəsində isə ehtiyac meyarı 93
manat məbləğində müəyyənləşib.
Hər iki layihə Milli Məclisin Sosial siyasət komitəsinin iclasında
müzakirə edilib və təsdiqlənib. Layihələr parlamentin plenar
iclasına tövsiyə olunub.
İclasda həmçinin Dövlət Sosial Müdafiə Fondunun 2013-cü il üçün
büdcəsi də parlamentin plenar iclasına tövsiyə edilib.