Zərbələr nəticəsində 15 nəfər ölüb, 94 nəfər yaralanıb. İsrailin
ötən gün Qəzzaya qarşı başladığı hərbi əməliyyatlar davam edir.
Movqe.Az-ın Türkiyə mətbuatına istinadla
verdiyi məlumata görə, İsrail Silahlı Qüvvələrinin havadan və sudan
"Həmas"a qarşı hücumlarında 15 nəfər fələstinli həlak olub, 94
nəfər yaralanıb.
Ölənlərdən birinin BBC-nin bölgədəki müxbirlərdən biri Cihad
Mişaravinin 11 aylıq oğlu olduğu bildirilir. Qəzza müxbirinin
qardaşı da ağır yaralanıb.
Digər bir məlumata görə, isə Qəzzadan açılan raket atəşi
nəticəsində 3 israilli dinc sakin həyatını itirib.
İsrailin Aralıq dənizində olan donanması Qəzzaya şimaldan da zərbə
endirib. Havadan hücumlar zamanı "Həmas"ın silahlı qanadı olan
"İzzədin Kassam Tuqayları"nın lideri Əhməd əl-Cabəri qətlə
yetirilib.
Mətbuatda yer alan məlumata görə, əməliyyatın rəsmi adı "Müdafiə
sütunu"dur.
Ötən axşam televiziya vasitəsilə xalqa müraciət edən İsrailin baş
naziri Binyamin Netanyahu "Həmas"a və digər terror təşkilatlarına
açıq mesaj göndərdiklərini demişdi. "Lazım olsa əməliyyaı
genişləndirməyədə hazırıq".