Dünya Bankından xəbərdarlıq
20 Noyabr 2012 15:40 (UTC+04:00)
Movqe.Az bildirir ki, "Əsrin sonuna qədər
dünya 4 dərəcə daha istilənəcək.", qlobal istiləşməylə əlaqədar son
xəbərdarlıq Dünya Bankından gəlib. İqlim dəyişikliyinin çatdığı
ölçülərə diqqət etməyə çalışan Dünya Bankı, hazırladığı hesabatda
istiləşmənin dağıdıcı təsirlərinin yoxsullara ziyan vurduğunu
bildirib. Həyəcan siqnalı çalaraq bu çağırışı edən Dünya Bankının
başçısı Cim Yonq Kim, iqlim dəyişikliyi ilə mübarizədə daha sərt
tədbirlər görülməsini istəyib. Dünya Bankı hazırladığı hesabatda
istiliyin 2100-cü ildə 4 dərəcə artacağı xəbərini bildirib. Bu da,
susuzluq və quraqlığın artacağını, əkinçiliyin ağır zərbə
alacağını, qlobal qida böhranının baş verməsi ilə dəniz
səviyyəsinin 90 santimetr yüksəlməsi və sahil ərazilərin su altında
qalacağını göstərir. Aralıq dənizi hövzəsində orta temperaturun 9
dərəcə artaraq bölgənin Liviya çölü vəziyyətinə gələcəyi
vurğulanır. Mütəxəssislərə görə qlobal istiləşmənin qarşısını almaq
üçün qalıq yanacaqlara söykənən istehsaldan və istehlak
vərdişlərinin dəyişməsindən asılıdır.