Movqe.az xəbər verir ki, Belçikada şokoladdan dünyanın ən uzun qatarı hazırlanıb. Uzunluğu 35 metr, çəkisi 1250 kilo (bir tondan çox) olan Dünyanın ən uzun şokolad qatarı Qinnesin rekordlar kitabına düşüb. Şokoladın ərsəyə gələn qatar üçün Maltadan olan kulinar Endrü Farruqay 1 aya yaxın vaxt sərf edib. Şirniyyatçı usta qatarın hər bir detalını dəqiq təsvir etməyə çalışıb. Nümunə olaraq isə o, qədim və müasir qatar modellərindən istifadə edib. Endrü Farruqay bildirib ki, bu ideya onda ötən il Belçikanın Brüqqe şəhərində keçirilən şokolad festivalına qatıldıqdan sonra yaranıb.
Şirniyyatçı Endrü Farruqay bir müddət bu fikiri ağlında gəzdirdiyini deyib: "Sonra düşündüm bəlkə bunu həyata keçirim. Əslində qatarı bu uzunluğda nəzərdə tutmamışdım, ama iş prosesi zamanı bir-birinin ardınca vaqonları əlavə etməyi davam etdim və sonda gördüyünüz iş ərsəyə gəldi".
Bundan əvvəl Farruqay Maltada tədbirlərin biri üçün şokoladdan uzunluğu 3 metrdən artıq olan qatar "inşa edib". Hazırkı qatar iki hissədən ibarətdir. İlk yeddi vaqonun modeli Belçikanın müasir qatarlarından götürülüb, diqər hissəsi isə köhnə qatar vaqonlarındandır.
Vaqonlardan biri restorandır. Belçikanın məşhur şokolad istehsalçısı "Bekolade" şirkəti layihənin həyata kəçməsi üçün bir ton yarım şokolad hədiyyə edib. Maltada hazırlanan qatar Belçikaya 25 taxta qutuda gətirilib. Yolda qatara ciddi ziyan dəysə də maltalı şirniyyatçının səyi nəticəsində dağılan yerləri bərpa etmək mümkün olub. Şirniyyatçının əl işi içtimayyətə Brüsseldəki dəmir yol vağzallarının birində təqdim edilib.Belçikanın bir neçə şokolad muzeyində sərgiləndikdən sonra qatar, hissələrə bölünərək satışa çıxarılacaq. Toplanan vəsaitin isə uşağlarla bağlı xeyriyyə işləri üçün xərclənəcəyi bildirilir.