İran səfiri : "Dağlıq Qarabağ Azərbaycan ərazisidir" - VİDEO
27 Noyabr 2012 18:25 (UTC+04:00)
Möhsün Pak Ayin ANS-ə İran-Ermənistan münasibətlərinin Azərbaycanla
İran arasındaki əlaqələrə təsirindən danışıb.
İran Dağlıq Qarabağı Azərbaycan ərazisi hesab edir. Bunu ilk dəfə
eksklüziv olaraq ANS-ə açıqlama verən bu ölkənin Azərbaycandakı
yeni səfiri Möhsün Pak Ayin deyib. Səfir İran-Ermənistan
münasibətlərinin Azərbaycanla İran arasındaki əlaqələrə təsirindən
də danışıb: "Ermənistan təbii olaraq İranın qonşusudur və bizim
münasibətlərimiz bu çərçivədədir. Heç vaxt İran-Ermənistan
münasibətləri İran-Azərbaycan münasibətlərinə mənfi təsir edə
bilməz. Fikir verin ki, Ermənistan ticarətinin yalnız 15%-ni İranın
sərhəd əraziləri ilə aparır. Qalan 85%-ni digər ölkələrlə edir.
Qarabağ münaqişəsi məsələsində də İran hər zaman Azərbaycanın ərazi
bütövlüyünü dəstəkləyib və dəstəkləyir. İran bu fikirdədir ki,
Dağlıq Qarabağ Azərbaycanın ərazisidir. Bizim Azərbaycanla müdafiə
sahəsində də əməkdaşlığımız var".