Tanınmış aktyor yenə sərxoş vəziyyətdə tutuldu
30 Noyabr 2012 15:55 (UTC+04:00)
Movqe.Az bildirir ki, Cerard Depardieu
sərxoş halda motosiklet idarə etdiyinə görə nəzarətə alınıb. 63
yaşlı aktyor əvvəllər də bir neçə dəfə həddindən artıq spirtli içki
qəbul etdiyinə görə problem yaşayıb. Polislər, aktyor Cerard
Depardieunun Parisin şimal-qərbində sərxoş vəziyyətdə motosiklet
sürüb və motosikletdən yıxıldığına görə məşhur aktyoru nəzarət
altına aldıqlarını bildiriblər. Keçən il sərxoş vəziyyətdə
təyyarədə oyun çıxardığına görə təyyarədən uzaqlaşdırılan
Depardieu, 1998-ci ildə də qanındakı spirt faizinin qanuni
səviyyədən 5 dəfə yüksək olması səbəbi ilə motosikleti ilə qəza
törədib, qolundan və üzündən yaralanıb.