Türkiyədə generalların növbəti həbs dalğası həyata keçirilib
20 Aprel 2012 12:10 (UTC+04:00)
Ankara Prokurorluğu istefada olan 30 hərbçinin həbsinə order verib.
Həbslər və axtarışlar Türkiyənin 7 əyalətində aparılır. Həbs
olunanlar sırasında istefada olan ordu generalı Erol Ozkasnak da
var. Polis əməkdaşları Afyon şəhərindəki Zabitlər Evində və
Eskişehir şəhərinin Ehtiyatda Olan Zabitlər Birliyinin ofisində
axtarışlar aparıb. Bir həftə əvvəl Türkiyə Baş qərargah rəhbərinin
müavini general Çevik Bir öz evində həbs olunub. O, təkcə 1997-ci
il çevrilişinin təşkilatçılarından biri kimi ittiham olunmaqla
yanaşı, çevrilişədək yaradılan və ölkədə islamlaşmaya mane olmağı
qarşısına məqsəd qoyan hərbçilərin keçmiş "Qərb fəhlə qrupu"
təşkilatının da ideya lideri hesab olunur. Hərbçilər 1997-ci ildə
dövlət çevrilişinə hazırlıqda ittiham olunurlar.