İlin sonundan başlayaraq yeni şəxsiyyət vəsiqələri veriləcək

5 May 2016 20:30 (UTC+04:00)

"Azərbaycanda yeni nəsil şəxsiyyət vəsiqələrinin hazırlanması nəzərdə tutulur". Movqe.az xəbər verir ki, bunu Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov bildirib.

O, bildirib ki, yeni nəsil şəxsiyyət vəsiqələrinin verilməsinə ilin sonundan başlanılacaq: "Bu xidmətin Daxili İşlər Nazirliyi tərəfindən verilməsi nəzərdə tutulur. "ASAN Xidmət" Mərkəzlərində Daxili İişlər Nazirliyinin göstərdiyi xidmətlərdən biri də şəxsiyyət vəsiqələrinin verilməsidir. Ona görə də yeni nəsil şəxsiyyət vəsiqələri verilməyə başlayan andan "ASAN Xidmət" Mərkəzlərində bu xidmət növündən faydalanmaq olacaq".