İsmət Abbasov Rusiyanın qoyduğu qadağaya aydınlıq gətirdi
20 Aprel 2012 13:54 (UTC+04:00)
Rusiya tərəfindən bitki məhsullarının əl yükündə və sərnişinlərin
baqajında daşınmasına müvəqqəti məhdudiyyətlər tətbiq edilməsi
RF-nin Ümumdünya Ticarət Təşkilatına (ÜTT) daxil olması üzrə
planları ilə bağlıdır. Trend-in məlumatına görə, bu barədə
Azərbaycanın kənd təsərrüfatı naziri İsmət Abbasov jurnalistlərə
bildirib. Rusiyanın Baytarlıq və Fitosanitar Nəzarəti Federal
Xidməti cari ilin aprelin 16-dan etibarən Azərbaycan, Tacikistan və
Özbəkistandan Rusiyaya gələn sərnişinlərin baqajında və əl yükündə
bitkiçilik məhsullarının daşınmasına müvəqqəti məhdudiyyətlərin
tətbiq edildiyini elan edib. "Bu, normal qərardır və Rusiyanın
ÜTT-yə daxil olması planları ilə bağlıdır", - nazir deyib.