Gədəbəy sakini Şəmkirdə silah satarkən tutulub.
Movqe.az Kəpəz TV-yə (Region TV) istinadən xəbər verir ki, Şəmkir rayon Polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində Gədəbəy rayon sakini Qabil Məmmədcəfərov saxlanılıb. O, "Makarov" markalı tapançanı və ləvazimatlarını satarkən tutulub.
Q.Məmmədcəfərov tapança ilə yanaşı, 29 ədəd patronu və 2 ədəd patron darağını həmyerlisi Niyaməddin Hüseynova satarkən ələ keçib.
Polis tərəfindən faktla bağlı araşdırmalar davam etdirilir.