"Həyatımı daha şux, daha gözəl etmək istəyirdim. Bunun üçün də plastik cərraha müraciət etdim. Nə biləydim ki, o, fırıldaqçıdır və həyatımı cəhənnəmə döndərəcək". ABŞ-ın Florida ştatında yaşayan Raci Narinesinqh belə deyir. 48 yaşlı Raci transseksualdır. O, 10 il əvvəl üzündə plastik cərrahiyyə əməliyyatı aparmışdı. Lakin bu əməliyyat zamanı onun yanaqlarına, çənəsinə və dodaqlarına sement vurulmuşdu.Nəticədə Raci indi eybəcər hala düşüb.Movqe.az milli.az-a istinadən bildirir ki, məşhur amerikalı plastik cərrahlar Terri Debrou və Pol Nassif 48 yaşlı transseksualı bu problemdən xilas etmək üçün bir neçə cərrahiyyə əməliyyatından ibarət kursa başlayıblar.