"Ay Yapım"ın məşhur serialı "Fatmagülün suçu ne" serialı Alman şirkəti "Bantry Bay" tərəfindən alınıb.
Movqe.az-ın Türkiyə mətbuatına istinadən məlumatına görə, dünyada 50-dən çox ölkədə yayımlanan, haqqında sənədli film çəkilən və qadınlara qarşı zorakılıqda istinad mənbəyi olan ekran işi yenidən çəkiləcək.
Alman şirkətin rəhbəri "Fatmagülün həyatı qlobal mövzu olduğunu uğuru ilə təsdiqlədi. Biz də bu möhtəşəm serialın ilk remeykini çəkməkdən qürur duyuruq" deyib.
Baş rollarında Engin Akyürek və Beren Saat çəkilən serial bu dəfə alman aktyor və aktrisalarla ekrana çıxacaq.