"Barcelona"nın türk futbolçusu Arda Turan bu mövsüm La Liqanın "Ən uğursuz 11"liyində yer alıb.Movqe.az goal.az-a istinadən xəbər verir ki, İnstagram izləyiclərindən biri Arda Turanı tənqid edərək futbolçuya "Sənə reklam çəkilişlərindən vaxt tapıb, futbolunu inkişaf etdirməyi tövsiyə edirəm. La Liqada "mövsümün ən pis 11-inə seçilərək ölkəmizi "qürurlandırdın". Həyat sənin üçün gözəldir, şouya davam" yazıb. Arda Turan isə izləyicisinə "Səni axtarıb tapacam, onda şou necə olur görəcəksən" yazaraq hədələyib.Daha sonra yazışmanı silən futbolçunun bu davranışı sosial şəbəkədə tənqid olunub.