Azərbaycan rayonlarına təbii qazın verilməsi dayandırılıb
20 Aprel 2012 14:35 (UTC+04:00)
Dünən axşam saatlarından başlayaraq Azərbaycanın üç rayonuna təbii
qazın verilməsində fasilələr olub. Belə ki, Ucar və Zərdab
rayonlarının qazla təchiz olunan bütün yaşayış məntəqələri və
Göyçay rayonunun bir hissəsinə təbii qazın verilişi dayandırılıb.
Ağdaş Magistral sahəsinin baş mühəndisi Elşən Rəcəbovun
bildirdiyinə görə Qazıməmməd - Qazax magistral qaz kəmərinin ikinci
xəttində aparılan təmir - bərpa işləri ilə əlaqədar olaraq adlarını
qeyd etdiyimiz üç rayona təbii qazın verilməsi dayandırılıb. Təmir
– bərpa işlərinin bu gün saat 16:00-a qədər yekunlaşması nəzərdə
tutulub. Təmir işləri başa çatdıqdan sonra hərüç rayona qazın
verilişi bərpa olunacaq.
Nuranə Novruzova