Mobil proqram əllə yazılmış tənlikləri həll edəcək

23 May 2016 13:45 (UTC+04:00)

ABŞ-ın "Mathpix" şirkəti "iOS" əməliyyat sistemli qurğular üçün əllə yazılmış tənlikləri tanıyan və həll edə bilən eyniadlı pulsuz mobil əlavə təqdim edib.


Movqe.az ICTnews-a istinadən bildirir ki, proqramın yazılmış tənliyi həll etməsi üçün istifadəçinin mobil telefonun kamerasını onun üzərinə yönəltməsi tələb olunur. "Mathpix" tənliyi müstəqil şəkildə hesablayaraq onu həll etmək üçün serverə göndərir.


Bildirilir ki, proqram cavablar verməklə yanaşı, qrafikalar qurur. Bundan başqa, "Mathpix" mürəkkəb tapşırıqlar (məsələn, inteqral və ya törəmə məsələləri) üçün həlli ardıcıllıqla yazır.


Süni intellekt əsasında qurulan "Matrix" serverləri kompüter təlimindən istifadə edir. Bu, o deməkdir ki, sistem daim tənlikləri tanımaq və həll etmək bacarığını yaxşılaşdırır.


Qeyd edək ki, bir neçə ilə əvvəl "Photomath" şirkəti bazara kənar serverləri olmayan və səhvlərə yol verən oxşar kalkulyator çıxarıb.